Pemda Kudu Leuwih Serius Merhatikeun Pangangguran jeung Kamiskinan

MAJALENGKA (LENTERA) Fraksi PKS DPRD Majalengka nekenkeun perluna inovasi dina rangka nurunkeun jumlah pangangguran di Kabupaten Majalengka tina sababaraha program pemberdayaan ka masyarakat, sarta kudu bener-bener dievaluasi tingkat kaberhasilan nana pikeun kauninga naha programna tepat sasaran atanapi henteu.

Hal eta diucapkeun Ketua Fraksi PKS DPRD Majalengka Asep Saepudin ST ka media ieu. Anjeuna nyebutkeun yen jumlah masyarakat miskin di kabupaten ieu masih loba, kusabab kitu nurunkeun jumlah masyarakat miskin nu atos ditargetkeun salila ieu can bisa disebut signifikan mun dibandingkeun jeung total masyarakat miskin nu masih loba di Kabupaten Majalengka. “Ari trend kinerja perekonomian di kabupaten Majalengka mah memang cenderung alus ngan hanjakal can diimbangi jeung upaya nurunkeun jumlah masyarakat miskin anu leuwih signifikan” saurna bari negeskeun yen pihakna ngarasa paur kahareupna bakal leuwih gede gap ekonomi di tengah masyarakat. Kusabab kitu, Fraksi PKS menta supaya Pemda leuwih serius ngantisipasi jeung bisa ngurangan jumlah pangangguran jeung kamiskinan di kabupaten Majalengka jeung ngajak sadaya pihak supaya babarengan mayunkeun kapentingan jeung pelayanan keur masyarakat. **(AR)

Anda baru saja membaca artikel yang berkategori dengan judul Pemda Kudu Leuwih Serius Merhatikeun Pangangguran jeung Kamiskinan. Anda bisa bookmark halaman ini dengan URL https://mediapendidikanlentera.blogspot.com/2016/10/pemda-kudu-leuwih-serius-merhatikeun.html. Terima kasih!

Ditulis oleh: lentera pena - Thursday, October 20, 2016